یەکەم ڕۆژی جەژنی ڕەمەزان دیاری دەکرێت

ئاڤا نیوز

 

بڕیارە ڕۆژی شەممە لیژنەی باڵای بینینی مانگ لە دیوانی وەزارەتی ئەوقاف و کاروباری ئایینی کۆببێتەوە، هاوکات لیژنە لاوەکییەکانی پارێزگا و ئیدارە سەربەخۆکان کۆدەبنەوە بۆ دیاریکردنی یەکەم ڕۆژی جەژن.

 

لێدوانی فەرمی: نەبەز ئیسماعیل، گوتەبێژی وەزارەتی ئەوقاف و کاروباری ئایینی بە ئاڤا میدیای گوت: دیاریکردنی یەکەم ڕۆژی جەژن بەپێی بینینی مانگ و بەڵگەی شەرعی دەبێت.

زانیاریی زیاتر: "ئەگەر ئێوارەی شەممە بە بەڵگەوە مانگ بینرا، ئەوا ڕۆژی یەکشەممە دەبێتە یەکەم ڕۆژی جەژن، بەڵام  ئەگەر مانگ نەبینرا، ڕۆژی دووشەممە دەبێتە یەکەم ڕۆژی جەژن".

 

ئەوەی پێویستە بیزانیت: ئەگەر ڕۆژی یەکشەممە ببێتە یەکەم ڕۆژی جەژن، مانگی ڕەمەزانی ئەمساڵ 29 رۆژ دەبێت، بەڵام ئەگەر ڕۆژی دووشەممە ببێتە یەکەم ڕۆژی جەژن، ئەوا مانگی ڕەمەزانی ئەمساڵ 30 ڕۆژ دەبێت.