شارەزایەکی کەشناسی: لەبەر دوو هۆکار بینینی مانگ لە ئاسمانی کوردستان زەحمەتە

ئاڤا نیوز 

 

شارەزایەکی کەشناسی دوو هۆکار دەستنیشان دەکات کە دەبێتە هۆی بە زەحمەت بینینی مانگ لە ئێوارەی ئەمڕۆ شەممە.

 

وێنە گەورەکە: ساڵانە وەزارەتی ئەوقاف و کاروباری ئاینی، لیژنەی تایبەتمەند دیاری دەکات بۆ بینینی مانگ و بڕیاردان لەسەر تەواوکاری مانگی ڕەمەزان یان بڕیاردان لەسەر جەژن.

 

لێدوانی فەرمی: سیروان ساڵح، شارەزای کەشناسی بە ئاڤا میدیای ڕاگەیاند، ئێوارەی ئەمڕۆ شەممە بینینی مانگ لە هەرێمی کوردستان زۆر زەحمەت دەبێت، بەهۆی ئەوەی قەبارەی مانگ زۆر بچووکە و تەنیا حەوت خولەک دوای خۆر ئاوابوون لە ئاسمان دەمێنێتەوە. لە هەمان کاتدا، لە زۆربەی ناوچەکان بەهۆی بوونی هەوری جۆری سماحق لە ئاسمان، مانگ بینین زەحمەت دەبێت.

 

ئەو شارەزایەی کەشناسی دەڵێت: دیاریکردنی یەکەم ڕۆژی جەژن ئەمساڵ قورس دەبێت. بەڵام لە سعودییە دەتوانرێت بە تەلسکۆب مانگ ببینرێت، چونکە لە کەناراوەکانی دەریای سوور ئاسمان ڕوون دەبێت، هاوکات مانگ 14 خولەک دوای خۆر ئاوابوون دەمێنێتەوە.