چەند شوێنێکی بەرز بۆ بینینی مانگ دیاریکران

ئاڤا نیوز

 

ئێوارەی ئەمڕۆ لیژنەی باڵای بینینی مانگ کۆدەبێتەوە، لە پارێزگای هەولێر، سلێمانی و دهۆک چەندین شوێنی بەرز دیاریکراون بۆ بینینی مانگ، لەوانە چیای گڵە زەردە.

 

وێنە گەورەکە: ساڵانە لە ڕۆژەکانی کۆتایی مانگی ڕەمەزان لیژنەی باڵای بینینی مانگ کە سەر بە وەزاتی ئەوقافە کۆدەبێتەوە، جگە لەوە لە چەند ناوچەیەکی بەرز بە تەلسکۆب سەیری بینینی مانگ دەکرێت.

 

لێدوانی فەرمی: نەبەز ئیسماعیل، وتەبێژی وەزارەتی ئەوقاف و کاروباری ئاینی بە ئاڤا میدیای ڕاگەیاند، ئەمڕۆ لیژنەی باڵای بینینی مانگ کۆدەبێتەوە، ئەگەر ئەمڕۆ دوای نوێژی مەغریب مانگ بەبەڵگەوە ببینرێت ئەوا سبەی یەکشەممە جەژنە، ئەگەر نەبینرا ئەوا ڕەمەڕان دەبێتە 30 ڕۆژ و ڕۆژی دووشەممە دەبێتە جەژن.

 

بەوتەی نەبەز ئیسماعیل، لەسلیمانی لەسەر چیای گڵەزەردە، لەدھۆک لەسەر چیای زاوا، لە ڕەواندوز و چۆمان و بەرزاییەکانی حاجی ئۆمەران و ئیدارەی گەرمیان لە شوێنە بەرزەکان سەیری بینینی مانگ دەکرێت و دیاریکردنی یەکەم ڕۆژی جەژن تەنیا لە دەسەڵاتی لیژنەی باڵای بینینی مانگە.