ئۆکراینا، ڕووسیا بە ئەنجامدانی "تاوانی جەنگ" تۆمەتبار دەکات

ئاڤا نیوز

 

ئۆکراینا تۆمەتی ئەنجامدانی "تاوانی جەنگ" دەداتە پاڵ ڕوسیا. ئەمەش لەبەر هێرشەکەی چەند ڕۆژی ڕابردووی سوپای ئەو وڵاتە بۆ سەر نەخۆشخانەیەکی سەربازیی ئۆکراینا لە خارکێف. 

چیرۆکی سەرەکی: بەهۆی هێرشەکانەوە دوو کەس گیانیان لەدەست دا و 30 کەسی دیکەش بریندار بوون کە لە ناویاندا ژمارەیەک منداڵ هەن. جگە لە زیانە گیانییەکان، هێرشەکە زیانێکی زۆریشی بەر بینای نەخۆشخانەکە و دامەزراوەکانی دیکە گەیاندووە.

زانیاریی زیاتر: بەگوێرەی یاسا نێودەوڵەتییەکان بۆردوومان کردنی نەخۆشخانە و دامەزراوە مەدەنییەکان تاوانی جەنگییە. ئۆکراینا دەڵێت، ڕووسیا بەم هێرشە یاسا نێودەوڵەتییەکانی پێشێلکردووە.

ئەوەی پێویستە بیزانیت: بەردەوامیی هێرشەکانی ڕووسیا و ئۆکراینا لە کاتێکدایە کە هەوڵەکانی ئاگربەست بەردەوامن بۆ ڕاگرتنی شەڕ لەنێوان کیێڤ و مۆسکۆ.