ئەنجوومەنی ئاسایش: هێرشبەرەكەی ئەمڕۆی دهۆك سوورییە و سەر بە داعشە

ئاڤا نیوز

ئەنجوومەنی ئاسایشی هەرێمی كوردستان ڕاگەیێنراوێكی سەبارەت بە ڕووداوەكەی ئەمڕۆی دهۆك بڵاوکردەوە كە كەسێك هێرشی كردە سەر ئاپۆڕای بەشداربووانی ڕێوڕەسمی جەژنی ئەكیتۆ.

چیرۆكی سەرەكی: بەرەبەیانی ئەمڕۆ كەسێك هێرشی كردە سەر ئاپۆڕای بەشداربووانی ڕێوڕەسمی ئەكیتۆی كریستیانەكان و دوو كەسی زامدار كرد و لە شوێنی ڕووداوەكە دەستگیر كرا.

ڕاگەیێنراوی فەرمی: ئەنجوومەنی ئاسایشی هەرێمی كوردستان ڕایگەیاند: لە ڕۆژی 1ی 4ی 2025، لە کاتێکدا کە خەڵکی پارێزگای دهۆک لە ڕێوڕەسمەکانی جەژنی ڕەمەزان و جەژنی ئەکیتۆ بوون، کەسێکی هەڵگری بیروباوەڕی تیرۆریستیی سەر بە داعش بە ئامێرێکی تیژەوە لە ناوبازاڕ هێرشی کردە سەر هاووڵاتیان و دوو کەسی بریندار کرد.

- دەستبەجێ هێزەکانی سەر بە بەڕێوەبەرایەتیی ئاسایشی دهۆک کەسی هێرشبەریان دەستگیر کرد کە خەڵکی سووریایە، لێکۆڵینەوە لە سەر بابەتەکە بەردەوامە و لە دوای کۆتاییهاتنی، دەرەنجامەکان بۆ هاووڵاتیان و ڕای گشتی ڕادەگەیەنین.