نەتەنیاهۆ سەردانی ئەمریکا دەکات

ئاڤا نیوز

 

ماڵپەڕی ئەکسیۆسی ئەمریکی بڵاویکردەوە، بڕیارە ڕۆژی دووشەممەی داهاتوو بنیامین نەتەنیاهۆ،  سەرۆکوەزیرانی ئیسرائیل سەردانی کۆشکی سپی بکات.

 

وێنە گەورەکە: دوای دوو مانگ لە سەردانەکەی بنیامین نەتانیاهۆ، سەرۆکوەزیرانی ئیسرائیل بۆ ئەمریکا، جارێکی دیکە بەمەبەستی کۆبوونەوە لەگەڵ دۆناڵد ترەمپ، سەرۆکی ئەمریکا سەردانی کۆشکی سپی دەکات.

زانیاریی بەدەستهاتوو: بەپێی زانیاریی سەرچاوەیەکی نزیک لە کۆشکی سپی، نەتانیاهۆ  سێ پرسی گرنگ لەگەڵ ترەمپ تاوتوێ دەکات، یەکێک لەو پرسانەش پرسی لێدانە لە دامەزراوە ئەتۆمییەکانی ئێران لە ئەگەری ڕێکنەکەوتنی تاران بە ڕێگەی دیپلۆماسی.

 

ئەوەی لەوبارەیەوە دەگوترێت: ماڵپەری ئەکسیۆس لە زاری چوار سەرچاوەی ئاگادارەوە بڵاویکردەوە، پێشبینی دەکرێت پرسی دامەزراوە ئەتۆمییەکانی ئێران، شەڕی غەززە و پرسی سەپاندنی  باج لە بەرنامەی گفتوگۆکان بن.

 
لەلایەکی دیکەوە: بڕیارە هەفتەی داهاتوو، ستیڤ ویتکۆف، نێردەی تایبەتی سەرۆکی ئەمەریکا بۆ ڕۆژهەڵاتی ناوەڕاست سەردانی ناوچەکە بکات بۆ گەیشتن بە ڕێککەوتنی ئاگربەست لە غەززە.

 

باکگراوند: ڕۆژی 5-2-2025، دۆناڵد ترەمپ و بنیامین نەتانیاهۆ، لە کۆشکی سپی کۆبوونەوە، بەم دیدارەش نەتانیاهۆ بووە یەکەم سەرکردەی بیانی لەلایەن ترەمپەوە پێشوازی لێبکرێت لە دوای دەستبەکاربوونی.