بوراک ئۆزجیڤیت لە هەولێرە

ئاڤا نیوز

بوراک ئۆزجیڤیت، ئەکتەری ناوداری تورکیا،  وەک ڕووخساری پرۆژەی پاڤیلیۆن بای ڕامس گەیشتە هەولێر، دەڵێت زۆر بە پەرۆشم بۆ ئەوەی هەولێر ببینم.

چیرۆکی سەرەکی: ڕۆژی شەممە 2025-04-05، لە سەر داوای پرۆژەی پاڤیلیۆن بای ڕامس، هونەرمەند و ئەکتەری ناوداری تورک، بوراک ئۆزجیڤیت گەیشتە شاری هەولێر.

لێدوانی فەرمی: هونەرمەند و ئەکتەر، بوراک ئۆزجیڤیت لە کۆنگرەیەکی ڕۆژنامەوانیدا وتی:  زۆر دڵخۆشم بەوەی لێرەم، ئەمڕۆ هەموومان بۆ پرۆژەیەکی زۆر گەورە کۆبووینەتەوە، من بڕوام بەوەیە کە پرۆژەی پاڤیلیۆن بای ڕامس دیدگایەکی زۆر جیاواز بۆ ئێرە دەکاتەوە، بە تایبەت ئاو کە ژیانە، سەرەتا ئاو دێنێن.

٠ هێشتا نەگەڕاوم، وا قسمەت بوو ئەمڕۆ بۆ یەکەمجار بێینە هەولێر، زۆر بە پەرۆشم بۆ ئەوەی ئەم شارە ببینم، هەر لە فڕۆکە هاتمە خوارەوە، هاتوومەتە ئێرە، دوای ئەوەی لێرە تەواو بووین، بە تەواوی هەولێردا دەگەڕێم، لە سۆشیال میدیا دەبینم، خەڵکی ئێرە ئێمەیان زۆر خۆش دەوێت، من ئەوە دەزانم، خەڵکی ئێرە زۆر بینەری دراماکانی ئێمەن. بینەری دراما تورکییەکانن. 

٠ ئێمە وەک کارەکتەری دراماکان لێرەین، و دەزانین کەسانێکی زۆر هەن ئێمەیان خۆش دەوێت و بینەری دراما تورکییەکانن، بە تایبەت درامای خۆشەویستی ڕەش، هەنگاوی داهاتووی بەدوادێت ئینشاڵڵا.

زانیاریی زیاتر: بوراک یەکەمجاریەتی سەردانی هەولێر و هەرێمی کوردستان بکات، کوردستان حەسەن، پەیامنێری دیبلۆماسی ئاڤا میدیا پرسیاری لێدەکات، سەبارەت بە هەولێر دەڵێت: ، هەر لێرە تەواو بووم هەموو ئەم هەولێرە دەگەڕێم.

ئەوەی پێویستە بیزانیت: ڕامس گڵۆباڵ لە حەوت کەرتی جیاوازدا بەتایبەت بواری عەقارات و بیناسازی ئەزموونی هەیە، خاوەن ئەزموونێکی نێودەوڵەتییە لە شەش وڵاتی جیاواز، نزیکەی 100 پڕۆژەی کردووە، ئێستاش سەرپەرشتی گەورەترین پڕۆژە لەسەر ئاستی هەرێمی کوردستان و عێراق دەکات کە پڕۆژەی پاڤیلۆن بای ڕامسە.