كونسوڵخانەی ئەمریكا بۆ هاووڵاتیان: خۆتان بەدوور بگرن لە پێدانی پارەی زۆر بۆ وەرگرتنی ڤیزا

ئاڤا نیوز

كونسوڵخانەی ئەمریكا هاووڵاتیان ئاگادار دەكاتەوە لەوەی لەكاتی پێشكەشكردنی داواكاری بۆ وەرگرتنی ڤیزا، خۆیان بەدوور بگرن لە پێدانی پارەی زیاتر بە لایەنی سێیەم.

 

وێنە گەورەكە: كونسوڵخانەی ئەمریكا لە هەولێر، ئەمڕۆ پێنجشەممە 10-4-2025، ئاگادارییەكی لەپەڕەی فەرمیی خۆی بڵاوكردووەتەوە و تێیدا ئاگاداری ئەو کەسانە دەكاتەوە كە داواکاری بۆ ڤیزای ئەمریكا پێشکەش دەکەن.

 

ڕاگەیێنراوی فەرمی: كونسوڵخانەی ئەمریكا لە هەولێر ڕایگەیاند، ئەو زانیارییانەی كە پێشكەشكار بەكاریدەهێنن بۆ وەرگرتنی چاوپێکەوتن و زانیاریی نێو فۆڕمی پڕکراوەی ڤیزاکە، ئەگەر دەركەوێت ناڕاستە یا ساختەیە، ئەوا باڵیۆزخانە یان کونسوڵخانە مافی ئەوەی هەیە چاوپێکەوتنەکە هەڵبوەشێنێتەوە.

 

ئەوەی پێویستە بیزانیت: لەكاتی داواكردنی ڤیزای ئەمریكا خۆت “خۆت بە دوور بگرە لەوەی لایەنی سێیەم (کەسانی تر) دەست تێوەردان بکەن لە داواکارییەکەت بۆ ڤیزا و هەروەها خۆتیش بە دوور بگرە لەوەی پارەی زیاتر بدەیت.