کورد لە سووریا داوای فیدراڵیزم دەکات

ئاڤا نیوز 

 

پارت و لایەنە کوردییەکان لە سووریا لە سەر دیدگایەکی نوێ بۆ داهاتووی کورد لە سووریا ڕێککەوتوون و داوای فیدراڵیزم دەکەن.

بڵاوکراوەی فەرمی: بەگوێرەی ڕاپۆرتێکی ئاژانسی ڕۆیتەرز، بڕیارە کۆتایی مانگی نیسانی ئەمساڵ هێزە کوردییەکانی سووریا بەیاننامەیەکی هاوبەش بڵاو بکەنەوە و تیایدا بە فەرمی داوای فیدراڵیزم بۆ سووریای دوای ئەسەد بکەن.

لێدوانی فەرمی: بەدران چیا کورد، بەرپرسێکی باڵای ئیدارەی کوردییە لە سووریا، بە ڕۆیتەرزی گوتووە، هێزە کوردییەکان لە سەر "دیدگایەکی سیاسیی هاوبەش" ڕێککەوتوون کە خەخت دەکاتە سەر پێویستیی :سیستەمێکی فیدراڵی، فرەیی، دیموکراسی و پەرلەمانی" بۆ سووریا. 

 
ئەوەی پێویستە بیزانیت: هێزە کوردییەکان بە نزیکەیی 25٪ـی خاکی سووریایان لە ژێر دەستدایە و دەیانەوێت لە ڕێگەی سیستمی فیدراڵیزمەوە هەرێمێک بۆ خۆیان درووست بکەن و پارێزگاری لە ئۆتۆنۆمیی خۆیان بکەن و هێزە ئەمنییەکانیان بهێڵنەوە. 

پێدراوە ڕاستییەکان: داوای کورد بۆ فیدراڵیزم پێچەوانەی ئەو خواستەیەکە کە دەستەڵاتی نوێی سووریا خستوویەتیە ڕوو: کە جەخت لەسەر ناوەندێتیی دەستەڵات دەکاتەوە نەک ناناوەندێتی. هاوکات ئەحمەد شەرع پێشتر دژایەتیی خۆی بۆ فیدراڵیزم نیشان داوە و گوتوویەتی، زۆرینە لەگەڵیدا نییە و لە بەرژەوەندیی سووریادا نییە.