چین گومرکی سەر کاڵای ئەمریکی 125% زیاد دەکات

ئاڤا نیوز

چین باجی سەر کاڵای ئەمریکی بۆ 125% بەرز دەکاتەوە، ئەمەش لەبەرامبەر ئەوەی کە ئەمریکا گومرکی سەر چینی بە ڕێژەی 145% زیاد کردووە.

وێنە گەورەکە: تا دێت شەڕی بازرگانی نێوان ئەمریکا و وڵاتان بە تایبەت چین گەورەتر دەبێت، دوای بڕیارەکەی دۆناڵ ترەمپ، سەبارەت بە زیادکردنی باجی کاڵای هاوردەکراوی وڵاتان بۆ ئەمریکا.

لێدوانی فەرمی: بەرپرسانی چین دەڵێن، باجەکانی ئەمریکا لە سەر چین "نوکتە" و "گەمەی ژمارە"یە، چونکە بەو جۆرە هیچ قازانجێک لە بازرگانیدا نەماوەتەوە و ئەگەر ئەمریکا بەردەوام بێت، ئەو پشتگوێی دەخات.

چین ئەمریکا بە ناسەقامگیرکردنی بازاڕەکانی جیهان تۆمەتبار دەکات و دەڵێت دەبێت ئەمریکا بەرپرسیارێتییەکە لە ئەستۆ بگرێت.

لە لایەکی دیکەوە: ئەمریکا جێبەجێکردنی بڕیاری سەپاندنی گومرکی زیادەی بەسەر ژمارەیەک وڵاتدا ڕاگرت. چین لەمبارەیەوە دەڵێت، گوشارەکانی چین یەکێک بووە لە هۆکارەکان کە ئەمریکا ئەو هەنگاوە بنێت.