ئێران پێش دانووستانەکان: هێز و بەرژەوەندی خۆمان دەپارێزین

ئاڤا نیوز

 

چەند کاتژمێرێک پێش دەستپێکردنی دانووستانەکانی ئەمریکا و ئێران لە عومان، تاران پابەندبوونی خۆی بە پاراستنی بەرژەوەندییەکانی دووپاتکردەوە.

 

وێنەگەورەکە: ڕۆژی شەممە 12-4-2025، شاندی دانووستانکاری ئێران و ئەمریکا لە شاری مەقەستی عومان یەکەم دانووستانی ناڕاستەوخۆ دوای زیادبوونی ناکۆکییەکانی هەردوولا بۆ گەیشتن بە ڕێککەوتن سەبارەت بە پرسی ئەتۆمی ئێران ئەنجام دەدەن.

لێدوانی فەرمی: چەند کاتژمێرێک پێش دەستپێکردنی دانووستانەکان ئیسماعیل بەقائی، وتەبێژی وەزارەتی دەرەوەی ئێران ڕایگەیاند: بە هەموو توانایەکمانەوە هەوڵ دەدەین لەو دانووستانانە دەسەڵات و هێز و بەرژوەندی خۆمان دەپارێزین.

 

ئەمەش بزانە: ئێران بە نوێنەرایەتی عەباس عێراقچی، وەزیری دەرەوەی ئێران و ئەمریکاش بە نوێنەرایەتی ستیف ویتیکۆف، نێردەی ترەمپ بۆ ڕۆژهەڵاتی ناوەڕاست دەست بە دانووستانی ناڕاستەوخۆ دەکەن.

 

ئەوەی لەو بارەیەوە دەگوترێت: پێشىینی دەکرێت دوای دەستپێکردنی دانووستانی ناڕاستەوخۆ لە نێوان نوێنەری ئەمریکا و ئێران، هەر ئەمڕۆ دانووستانی ڕاستەخۆ لە نێوان هەردوولا ئەنجام بدرێت.

 

لەلایەکی دیکەوە: دۆناڵد ترەمپ، سەرۆکی ئەمریکا گوتی، بە هەموو توانایەکەوە ڕێگری لە ئێران دەکەین لە خاوەندارییەتی ئێران بۆ چەکی ئەتۆمی.

 

زانیاریی زیاتر: ترەمپ هەڕەشەی کردووە ئەگەر ئێران و ئەمریکا نەگەیشتنە ڕێککەوتنێک سەبارەت بە پرسی ئەتۆمی ئەو وڵاتە، هێزی سەربازی دژی ئێران بەکاربهێنن.