نێچیرڤان بارزانی و ئه‌حمه‌د ئه‌بو‌لغه‌یت کۆبوونەوە

 

ئاڤا نیوز

 

ئه‌مڕۆ شه‌ممه‌ 12-4-2025، لە میانەی بەشداریکردنی لە کۆربەندی دیپلۆماسیی ئەنتاڵیا، نێچیرڤان بارزانی، سەرۆکی هەرێمی کوردستان و ئەمینداریی گشتیی کۆمکاری وڵاتانی عه‌ره‌بی کۆبوونەوە.

 

ڕاگەیێنراوی فەرمی: سەرۆکایەتیی هەرێمی کوردستان ڕایگەیاند: له‌ کۆبوونه‌وه‌که‌دا پەیوەندییەکانی عێراق و هه‌رێمی کوردستان له‌گه‌ڵ کۆمکاری عه‌ره‌بی تاوتوێکران، هاوکات ده‌رباره‌ى په‌یوه‌ندییه‌کانی هه‌ولێر - به‌غدا، پێشهاته‌ سیاسییه‌کانی عێراق و ناوچه‌که‌، گرنگيى پاراستنى سه‌قامگیری و به‌هێزکردنی دیالۆگ بۆ چاره‌سه‌ركردنى كێشه‌كان، بیروڕایان گۆڕییه‌وه‌.

 

پەیامی فەرمی: نێچیرڤان بارزانی، سەرۆکی هەرێمی کوردستان،  ستايشى هه‌وڵه‌كانى کۆمکاری وڵاتانی عه‌ره‌بی بۆ پاراستنى ئاشتی و سه‌قامگیری له‌ ناوچه‌که‌ كرد، هاوکات ڕۆڵى ئه‌بولغه‌یت و كۆمكارى له‌ لێكنزيككردنه‌وه‌ى بۆچوونى وڵاتانى ئه‌ندام، به‌ ئه‌رێنى هه‌ڵسه‌نگاند. 

 

لەلایەکی دیکەوە: لای خۆیەوە، ئه‌مینداری گشتیی کۆمکاری عه‌ره‌بی، به‌ره‌وپێشچوون و ڕۆڵى هه‌رێمى كوردستانى له‌ پاراستنى ئارامى و سه‌قامگيرى له‌ عێراق و ناوچه‌كه‌ به‌ گرنگ له‌ قه‌ڵه‌م دا.