سەرۆكی ئەنجوومەنی دادوەری: عێراق پابەندی بڕیاری دادگای تاوانەكان نەبووە

ئاڤا نیوز

 

سەرۆكی ئەنجوومەنی دادوەریی هەرێمی كوردستان ڕایدەگەێنێت، تا ئێستا حكومەتی فیدڕاڵی پابەندی بڕیاری دادگای تاوانەكانی عێراق نەبووە، سەبارەت بە جینۆسایدناساندنی تاوانی ئەنفال و قەرەبووكردنەوەی زیانلێكەوتووان.

 

وێنە گەورەكە: لە 37ـەمین ساڵیادی تاوانی دڕندانەی ئەنفال، سەرۆكی ئەنجوومەنی دادوەریی هەرێمی كوردستان ڕاگەیێنراوێک بڵاودەكاتەوە و جەخت لەپێویستی پابەندكردنی حكومەتی فیدڕاڵی دەكاتەوە بە جێبەجێكردنی ئەرك و بەرپرسیارییەتیەكانی.

 

لێدوانی فەرمی: دادوەر عەبدولجەبار عەزیز ڕایگەیاند، پێویستە حكومەتی فیدڕاڵی پابەند بكرێت بە بڕیاری دادگای تاوانەكانی عێراق سەبارەت بە جینۆسایدناساندنی ئەو تاوانە و قەرەبووكردنەوەی ماددی و مەعنەویی زیانلێكەوتووانی ئەنفال و كەسوكاری قوربانیان، داواش لە پەرلەمانی وڵاتان و كۆمەڵگەی نێودەوڵەتی دەكات، كۆمەڵكوژیی كورد لەلایەن ڕژێمی پێشووی عێراق، بە جینۆساید بناسێنن و ڕێكاری یاسایی پێویست بۆ ئەم بابەتە بگرنەبەر.