مەسرور بارزانی پێشوازی لە شاندێکی پەرلەمانتارانی بەریتانیا و ئەوروپا دەکات

ئاڤا نیوز

 

سەرۆکوەزیران مەسرور بارزانی، پێشوازی لە‌ پێشوازی لە شاندێکی پەرلەمانتارانی بەریتانیا و ئەوروپا کرد و تاوتوێی چەند پرسێکی تایبەتیان کرد. 

 

وێنە گەورەکە: شاندێکی هاوبەشی پەرلەمانی شانشینی یەکگرتوو 'بەریتانیا' و ئەنجوومەنی لۆردانی بەریتانیا و پەرلەمانی ئەوروپا سەردانی هەرێمی کوردستان کردووە و ئەمڕۆ دووشەممە لەلایەن مەسرور بارزانی، سەرۆکوەزیرانی هەرێمی کوردستانەوە پێشوازیان لێکرا. 

 

ڕاگەیێنراویی فەرمی: فەرمانگەی میدیا و زانیاریی حکومەتی هەرێمی کوردستان ڕایگەیاند، شاندەکە ستایشی پێشکەوتن و ئاوەدانیی هەولێر و هەرێمی کوردستان و قارەمانییەتی پێشمەرگەیان لە ڕووبەڕووبوونەوەی تیرۆریستان کرد، ئاماژەیان بەوەکرد کە هەرێمی کوردستان، بووەتە نموونەیەکی گەشی ئازادی و دیموکراسی و بەیەکەوەژیانی ئاشتییانەی هەموو پێکهاتەکان.

 

-  شاندەکە پشتگیریی وڵاتەکانیان بۆ بەهێزکردنی پەیوەندیی لەگەڵ هەرێمی کوردستان دووپات کردووەتەوە، بیروڕا لەبارەی دۆخی گشتیی عێراق و ناوچەکە ئاڵۆگۆڕ کراوە.

لەلایەکی دیکەوە: سەرۆکوەزیرانی هەرێمی کوردستان سوپاس و پێزانینی هەرێمی کوردستانی بۆ پشتیوانیی شانشینی یەکگرتوو و وڵاتانی ئەوروپا دەربڕی و تیشکی خستەسەر چاکسازییەکانی کوردستان لە بوارەکانی وزە و سیستەمی بانکی و بەدیجیتاڵیکردنی خزمەتگوزارییە گشتییەکان.