فایلی خەڵک؛ دوای بەدواچوونی ئاڤا جووتسایدی گەڕەکێک قیڕتاو دەکرێت

ئاڤا نیوز

دوای ئەوەی بەرنامەی "بە ڕزگار بڵێ"ی ئاڤا میدیا دەنگی خەڵکی گەڕەکەکەی گەیاند، لە چەند ڕۆژی داهاتوودا شەقامی دووسایدی گەڕەکی ژین قیرتاو دەکرێت.

چیرۆکی سەرەکی: ماوەیەکی زۆرە دانیشتوانی گەڕەکی ژین گلەیی ئەوە دەکەن، ئەو دووسایدەی گەڕەکەکەیان قیرتاو نەکراوە، بەهۆی تەپوتۆز و قوڕ و چڵپاو، هاووڵاتییانی گەڕەکەکە بێزاڕ ببوون.

ئەوەی پێویستە بیزانیت: دوای ئەوەی بەرنامەی "بەڕزگار بڵێ" بەدواداچوونی بۆ گرفتەکە کرد و دەنگی خەڵکەکەی گەیاندە لایەنی پەیوەندیدار، بەڕێوبەرایەتیی گشتی شارەوانییەکان ڕاسپێردرا جووتسایدەکەیان بۆ قیرتاو بکات و بودجە بۆ شەقامەکە دیاریکرا کە لە چەند ڕۆژی داهاتوودا قیرتاوکردنەکە دەست پێ دەکات.