یەکێتی و پارتی لە پیرمام کۆبوونەوە

ئاڤا نیوز

 

هەردوو شاندی دانوستانکاری پارتی و یەکێتی لە پیرمام کۆبوونەوە لەبارەی پێکهێنانی کابینەی نوێی حکومەتی هەرێمی کوردستان و دابەشکردنی پۆستەکان. 

 

چیرۆکی سەرەکی: ئەمڕۆ جارێکی دیکە هەردوو شاندی دانوستانکاری پارتی و یەکێتی لە بارەی پێکهێنانی کابینەی دەیەم کۆبوونەوە، ئەندامێکی سەرکردایەتیی یەکێتی لەوبارەیەوە دەڵێت، "لەمەولا کۆبوونەوەکان چڕتر دەکرێنەوە"، بابەتی پۆست و دابەشکارییەکان دەخرێنەڕوو هەروەها گفتوگۆیان لەسەر دەکرێت، ئەمە یەکەم کۆبوونەوەی نێوان هەردوولایە کە تێیدا باسی دابەشکردنی پۆستەکان بکرێت.

 زانیاریی پەیامنێر: کوردستان حەسەن پەیامنێری دیپلۆماسی ئاڤا ڕایگەیاند، کۆبوونەوەی نێوان شاندی دانوستانکاری یەکێتی و پارتی لە پیرمام زیاتر لە کاتژمێرێک بەردەوام بووە.
 
زانیاریی زیاتر: شاندی دانوستانکاری یەکێتی کە سەردانی پیرمامی کردووە، قوباد تاڵەبانی سەرۆکایەتی دەکات و ڕێواس فایەق و دەرباز کۆسرەت ڕەسوڵ ئەندامییەتی دەکەن.
 
-    شاندی پارتی دیموکراتی کوردستان بە سەرۆکایەتیی هۆشیار زێباری، ئەندامی دەستەی کارگێڕی مەکتەبی سیاسیی پارتی و سەرۆک شاند، د.پشتیوان سادق و د.ئومێد سەباح ئەندامییەتی دەکەن.