نەتەوەیەکگرتووەکان: زۆربەی ئافرەتانی عێراق بێکارن

ئاڤا نیوز

 

بەگوێرەی ڕاپۆرتێکی نەتەوەیەکگرتووەکان ڕێژەی بێکاری لەنێو ئافرەتانی عێراق بۆ زیاتر لە 60% بەرزبووەتەوە.

 

وێنە گەورەکە: نووسینگەی هەرێمیی نەتەوەیەکگرتووەکان بۆ یەکسانی جێندەری و بەهێزکردنی ژنان لە عێراق، بە هاوکاریی کۆمیسیۆنی ئابووری و کۆمەڵایەتی نەتەوەیەکگرتووەکان بۆ ڕۆژئاوای ئاسیا (ESCWA)، ساڵانە ڕاپۆرتێک سەبارەت بەدۆخی ئافرەتان لە جیهانی عەرەبی بۆ بنکەی سەرەکی نەتەوەیەکگرتووەکان بەرز دەکاتەوە.

 

ژمارەکان وادەڵێن:   بەپێی ڕاپۆرتەکە،  ڕێژەی بێکاریی لەنێو ئافرەتانی سەرووی تەمەن 15 ساڵ لە عێراق گەیشتووەتە 28.3%. لە وڵاتانی دیکەی عەرەبی بەمشێوەیە: تونس 20.5%، جەزائیر 20.6%، سووریا 22% و فەلەستین 40.4%.

 

زانیاریی زیاتر: سەبارەت بە ڕێژەی بێکاری ئافرەتانی تەمەن 15 بۆ 24 ساڵ، ڕێژەی بێکاری لە عێراق گەیشتووەتە 62.2%. هەرچی پەیوەستە بە وڵاتانی عەرەبییەوە بەمشێوەیە: لوبنان 21.4%، ئیمارات 23%، میسر و فەلەستین 50.5% و لیبیاش 67.7.

 

ئەمەش بزانە:  بەپێی ئامارەکانی وەزارەتی پلاندانانی عێراق، "رێژەی بێکاریی ژنان لە عێراق بۆ ساڵی 2023 گەیشتووەتە 28.2%، ئەمەش دوو هێندە زیاترە لە ڕێژەی بێکاری پیاوان کە بە 14.7% مەزەندە دەکرێت.