وەزارەتی دارایی هەرێمی کوردستان: ئەو پارەیەی بەغدا دەینێرێت بەشی مووچە ناکات

ئاڤا نیوز

 

وەزارەتی دارایی هەرێمی كوردستان ڕایگەیاند ئەو پارەیەی بەغدا ناردوویەتی تاوەکو ئێستا نەگەیشتووەتە دەستیان و ئەوەشی دەینێرن، بەشی مووچە ناكات. 

 

ڕاگەیێنراوی فەرمی: "وەزارەتی دارایی حکومەتی عێراق تەنیا بڕی 560 ملیار و 217 ملیۆن دیناری تەمویل کردووە، کە دەکاتە ڕێژەی تەنیا (59٪) لەکۆی گشتیی مووچەی هەرێم و بێبەشکردنی ڕێژەی (41٪)ـی مووچەخۆرانی هەرێمی کوردستان". وەزارەتی دارایی هەرێمی کوردستان ڕایگەیاندووە.

زانیاریی زیاتر: وەزارەتی دارایی هەرێمی کوردستان، بە نووسراوی ژمارە 2147-4-7  لە بەرواری 5-3-2024 داوای پارەدارکردنی تەواوی مووچەخۆرانی هەرێمی کوردستان بەبێ جیاوازیی بۆ مانگی شووباتی ساڵی 2024 بەبڕی 949 ملیار و 813 ملیۆن و 146 هەزار و 170 دینار لە حکومەتی عێراق کردبوو.

 

مەترسییە پیشبینیکراوەکان: ئەم ڕێکارەی وەزارەتی دارایی حکومەتی عێراق وایکردووە کورتهێنان لە پێدانی مووچەی هەرێمی کوردستان بۆ مانگی شووبات بە نزیکەی  390 ملیار دینار دروست بێت.