سەرۆکی ڕووسیا لە ڕۆژهەڵاتی ئۆکراینا ئاگربەستی ڕاگەیاند

ئاڤا نیوز

ڕووسیا بۆ ماوەیەک ئاگربەستی لە بەشێک لە ئۆکراینا ڕاگەیاند، سەرۆکی ئەو وڵاتەش بە سەربازەکانی دەڵێت، ئامادەبن بۆ ئەگەری پێشێلکردنی ئاگربەستەکە لەلایەن ئۆکرایناوە.

وێنە گەورەکە: سەرەڕای هەوڵەکانی واشنتن بۆ لێکنزیکردنەوەی مۆسکۆ و کیێڤ و ڕاگەیاندنی ئاگربەست و کۆتاییهێنان بە جەنگ، بەڵام هێرشەکان لە نێوان ڕووسیا و ئۆکراینا بەردەوامی هەیە.

لێدوانی فەرمی: ڤلادیمێر پووتین، سەرۆکی ڕووسیا ڕایگەیاند، لە ڕۆژهەڵاتی ئۆکراینا ئاگربەستمان ڕاگەیاندووە بە بۆنەی جەژنی ئیستەر تا 21ـی مانگ ئاگربەست بەردەوام دەبێت.

٠ فەرمان دەدەمە سووپای وڵاتەکەم هەموو چالاکییە سەربازییەکان بۆ ئەم ماوەیە بوەستێنرێت.

٠ وڵاتەکەم ئامادەیە بۆ دەستپێکردنی دانوستان لەسەر ڕاگەیاندنی ئاگربەست.

زانیاریی زیاتر: پووتین هۆشداریشی دایە سەربازانی وڵاتەکەی کە پێویستە ئامادەبن بۆ ئەگەری پێشێلکردنی ئاگربەست لەلایەن کیێڤەوە.

بۆچوونی لایەنی بەرامبەر: ڤۆلۆدیمێر زێلینسکی، سەرۆکی ئۆکراینا ڕایگەیاند، هێرشی فڕۆکە بێفڕۆکەوانەکانی ڕووسیا هەڵوێستی ڕاستەقینەی پووتین سەبارەت بە جەژنی هەستانەوەی مەسیح و ژیانی مرۆڤەکان نیشان دەدات. پووتین یاری بە ژیانی مرۆڤەکان دەکات.