دوای بەدواداچوونێکی ئاڤا کێشەی ئاوی گەڕەکی ژین لە هەولێر چارەسەر دەکرێت

ئاڤا نیوز

 

دوای بەدواداچوونێکی ئاڤا میدیا کێشەی ئاوی خواردنەوەی بەشێك لە گەڕەکی ژین لە هەولێر چارەسەر دەکرێت.

 

چیرۆکی سەرەکی: نزیکەی 100 ماڵ لە گەڕەکی ژینی دارەتوو، ماوەی زیاتر لە سێ مانگە کێشەی ئاوی خواردنەوەیان هەیە و هەرجارێک نۆرەی ئاویان بێت ئاوێکی لێڵ و بۆن ناخۆشیان بۆ دێت. هاوکات دوای بەدواداچوونەکانی ئاڤا، بەڕێوەبەرایەتیی ئاوی هەولێر هۆکاری پیسبوونی ئاوی گەڕەکەکەی دۆزییەوە.

 

ئەوەی پێویستە بیزانیت: دوای بەدواداچوونی ئاڤا و دەرچوونی ئەنجامی پشکنینەکان، بەڕێوەبەرایەتیی ئاوی هەولێر بڕیاری دا لە چەند ڕۆژی داهاتوو ئەم کێشەیان بۆ چارەسەر بکات.

 

هۆکارە زانراوەکان: ئەنجامی پشکنینەکان دەریخست بەهۆی چەند هێڵێکی ئاو کە پێشتر بە زێدەڕۆ لەسەر تۆری ئاوی ئەم بیرە ڕاکیشرابوون و پێش سێ مانگ لابرابوون، ئاوەکە پیسبووە.