ڕۆژی نزای نیشتمانی لە کوردستان بەڕێوەدەچێت

ئاڤا نیوز

لە دەستپێشخەرییەکی ناوازەدا؛ بۆ یەکەمجار لە هەرێمی کوردستان، ڕۆژی نزای نیشتمانی بەڕێوەدەچێت و سەرۆک بارزانی ئامادە دەبێت.

 

چیرۆکی سەرەکی: ڕۆژانی 23 تاوەکو 25ـی ئەم مانگە لە هەولێری پایتەختی هەرێمی کوردستان، بە ئامادەبوونی سەرۆک بارزانی، بە دروشمی 'بەرەو یەکبوون لە باوەڕدا'، ڕۆژی نزای نیشتمانی بەڕێوەدەچێت، تێیدا بەرپرسانی باڵای حکومەتی هەرێمی کوردستان و کەسایەتی و سەرکردە باڵاکانی عێراق و جیهان و پەرلەمانتارانی وڵاتی دونیا و نوێنەرانی حکومەتەکان لە ئەمریکا و ئەوروپا و ڕۆژهەڵاتی ناوەڕاست، بەشدار دەبن.

 

چی ڕوودەدات: بەشداربووانی ڕۆژی نیشتمانی لە گردبوونەوەیەکی برایانەی هاوبەش و لە کەشێکی ڕووحانی پڕ لە نزا و پاڕانەوە بۆ خوای گەورە، لە هەولێری پایتەختی بەیەکەوەژیانی ئاشتییانە و ئازادی ئایینی کۆدەبنەوە و نزا بۆ هەرێمی کوردستان دەکەن کە پەناگەیەکی ئارامە بۆ گشت پێکهاتە ئایینی و نەتەوەییەکان و نموونەیەکی گەشی بەیەکەوەژیانی ئاشتیانەیە لە جیهاندا.