ئومێد خۆشناو، پارێزگاری هەولیر لە بەسەرکردنەوەی فێستیڤاڵی نەخۆشخانەنەی نانەکەلی
ئاڤا نیوز
وەک پاڵپشتییەک بۆ نەخۆشانی شێرپەنجە، سێیەمین فێستیڤاڵی بەهارەی نەخۆشخانەی نانەکەلی لە شاری هەولێر دەستیپێکرد.
وێنە گەورەکە: بۆ سێیەمین ساڵ لەسەر یەک فێستیڤاڵی بەهارەی نەخۆشخانەی نانەکەلی بەڕێوەدەچێت، بە ئامانجی کۆکردنەوەی کۆمەک و هاوکارییە بۆ تووشبووانی شێرپەنجە.
لێدوانی فەرمی: هەردی جەواد، بەڕێوەبەری نەخۆشخانەی نانەکەلی بە ئاڤا میدیای ڕاگەیاند: ئەمساڵ بەراورد بە ساڵانی ڕابردوو فێستیڤاڵەکە شوێنەکەی فراوانتر کراوە و هاونیشتمانیان زیاتر بەدەم فێستیڤاڵەکەوە هاتوون.
ئەوەی پێویستە بیزانیت: لە فێستیڤاڵەکەدا 70 خێوەت کە کاری فرۆشتنی خواردنە کوردەوارییەکان، تابلۆ و چەندین کەلو پەلی کاری دەستی دەکەن، لەکۆتاییەکەشیدا هەندێکیان نیوە و هەندێکی دیکەشیان تەواوی داهاتەکە دەخەنە نێو سندوقی هاوکاری نەخۆشخانەی نانەکەلی، ئەمە لەپاڵ هاوکارییە ماددیەکانی بەشێک لە قوتابخانە و پەیمانگا تایبەتیەکان.
ئەمەش بزانە: کۆکردنەوەی داهات لە فێستیڤاڵی بەهارەی نەخۆشخانەی نانەکەلی، هەوڵێکە بۆ گەڕاندنەوەی هیوا بۆ نەخۆشانی تووشبووی شێرپەنجە، بۆ ئەوەی دووبارە لاپەڕەیەکی نوێ ژیان هەڵبدەنەوە و خەون و ئامانجەکانیان بەدی بێنن.
