ترەمپ و مێلانیای خێزانی بەشداری پرسەکەی پاپا فرانسیس دەکەن

ئاڤا نیوز

 

دۆناڵد ترەمپ، سەرۆکی ئەمریکا بەمەبەستی بەشداریکردن لە ڕێوڕەسمی بەخاکسپاردنی پاپا فرانسیس سەردانی ڕۆما دەکات.

 

وێنە گەورەکە: ڕۆژی دووشەممە 21-4-2025، پاپا فڕانسیس، پاپای ڤاتیکان و ڕێبەری کاتۆلیکەکانی جیهان، لە تەمەنی 88 ساڵیدا بەهۆی جەڵدەی مێشکەوە کۆچی دوایی کرد، وڵاتانی جیهانیش سەرەخۆشی خۆیان ئاراستەی ڤاتیکان کرد.

 

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، لەگەڵ مێلانیای خێزانم، بەشداری له‌ ڕێوڕه‌سمی به‌خاكسپاردنی ته‌رمی پاپا فرانسیس لە ڕۆما دەکەم، بە پەڕۆشین بۆ ئەوەی بەشداری له‌ ڕێوڕه‌سمه‌كه‌دا بکەین.

 

زانیاریی بەدەستهاتوو: وەک ڕێزێک بۆ کۆچی دوایی پاپا فرانسیس، ترەمپ فەرمانی کرد ئاڵای ئەمریکا لە کۆشکی سپی و هەموو دامودەزگاکان بۆ نیوە بهێنرێتە خوارەوە.

 

ئەمەش بزانە: بڕیاربوو ترەمپ لە مانگی داهاتوودا سەردانی سعودیە بکات و دەبووە یەکەم گەشتی ناوبراو بۆ دەرەوەی وڵات دوای دەستبەکاربوون و گەڕانەوەی بۆ کۆشکی سپی، بەڵام بەهۆی ڕێوڕەسمی بەخاکسپاردنی پاپا، سەردانی یەکەمی  بۆ ڕۆما دەبێت.