عێراق پارەی دیكە بۆ هەڵبژاردنی پەرلەمانی كوردستان خەرج دەكات

ئاڤا نیوز

ئەنجوومەنی وەزیرانی عێراق لەکۆبوونەوەی ئەمڕۆیدا، بڕیاریدا بەردەوام بێت لەخەرجکردنی پارە بۆ کۆمیسیۆنی باڵای هەڵبژاردنەکان تا هەڵبژاردنی خولی شەشەمی پەرلەمانی کوردستان بەڕێوەببات.

ڕاگەیێنراوی فەرمی: ئەنجوومەنی وەزیرانی عێراق ڕەزامەندی دەربڕی، لەسەر بەردەوامی خەرجکردنی بودجەی هەڵبژاردنی پەرلەمانی کوردستان و زمانی کوردیشی وەک زمانی فەرمی لە رەشنوسی یاسای دادنووسیدا جێگیر کرد.

ئەوەی پێویستە بیزانیت: مانگی 12ی ساڵی رابردوو ئەنجوومەنی وەزیرانی عێراق بڕیاریدا، 69 ملیار و 230ملیۆن دینار بۆ بەڕێوەچوونی پرۆسەی هەڵبژاردنی پەرلەمانی هەرێمی کوردستان خەرج بکرێت.

زانیاریی زیاتر: ئەنجوومەنی وەزیرانی عێراق هەروەها رەشنوسی هەمواری یەکەمی یاسای دادنووسی ژمارە 33ی ساڵی 1998ی پەسەندکرد و لە ماددەی 16ی ڕەشنوسەکەدا ئاماژە بەوەکراوە، هەردوو زمانی عەرەبی و کوردی دوو زمانی فەرمین بۆ پێشکەشکردنی نوسراو و بەڵگەنامەکان لە فەرمانگەکاندا.

باکگراوند: ڕۆژی 10-06-2024 هەڵبژاردنی خولی شەشەمی پەرلەمانی کوردستان بەڕێوەدەچێت، سێ ملیۆن و 789 هەزار و 360 کەس مافی دەنگدانیان هەیە، لەو ژمارەیە دوو ملیۆن و 950 هەزار دەنگدەر کارتی بایۆمەتری دەنگدانیان دەرهێناوە یان نوێیان کردووەتەوە.