حکومەتی عێراق لیژنەیەک بۆ لێکۆڵینەوە لە هێرشەکانی ئێران بۆ سەر هەولێر پێکدەهێنێت

ئاڤا دیجیتاڵ

 

بە بڕیاری محەممەد شیاع سوودانی، سەرۆکوەزیرانی عێراق لێژنەیەکی ئەمنی بە سەرکردایەتیی قاسم ئەعرەجی، راوێژکاری ئاسایشی نیشتمانیی عێراق بۆ لێکۆڵینەوە لە هێرشە مووشەکییەکانی ئێران بۆ سەر هەولێر پێکدەهێنرێت.

 

سەرۆکی لێژنە: قاسم ئەعرەجی، راوێژکاری ئاسایشی نیشتیمانی عێراق

ئەندامانی لێژنە:

- ڕێبەر ئەحمەد، وەزیری ناوخۆی هەرێمی کوردستان

- بڕیکاری وەزیر بۆ کاروباری هەواڵگری

- سەعید نەعیم، نوێنەری سەرۆکایەتیی ئۆپەراسیۆنە هاوبەشەکان

- ماجید عەبدولحسێن، نوێنەری وەزارەتی بەرگریی عێراق

 

ئەوەی پێویستە بیزانیت: محەممەد شیاع سوودانی، سەرۆکوەزیرانی عێراق دەڵێت: پێویستە لێژنەکە زۆر بە خێرایی دەستبەکاربێت، لە ماوەی 48 کاتژمێردا ئەنجامی تەواوی وردەکارییەکانی لێکۆڵینەوەکە بخاتە بەردەست فەرماندەی گشتیی هێزە چەکدارەکانی عێراق.

 

لە لایەکی دیکەوە: هەر حکومەتی عێراق نا، ئەنجوومەنی نوێنەرانی عێراقیش لێژنەیەک بۆ زانینی وردەکارییەکانی هێرشەکەی ئێران بۆ سەر هەولێر پێکدەهێنێت.