ئەنجوومەنی وەزیران لەبارەی مووچە کۆدەبێتەوە

ئاڤا نیوز

 

لە کۆبوونەوەی ئەمڕۆی ئەنجوومەنی وەزیران سێ بڕگەی سەرەکی تاوتوێ دەکرێن، یەکێک لەو پرسانەش مووچەی مووچەخۆرانی هەرێمی کوردستانە. 

 

ئەوەی پێویستە بیزانیت: ڕۆژی چوارشەممە 13-03-2024 بە سەرپەرشتیی سەرۆکوەزیران بارزانی، ئەنجوومەنی وەزیران کۆدەبێتەوە. 

 

ڕاگەیێنراوی فەرمی: فەرمانگەی میدیا و زانیاریی حکومەتی هەرێمی کوردستان بڕگەکانی کۆبوونەوەکەی خستووەتەڕوو کە ئەمانەن:

 

• بڕگەی یەکەم: پوختەی سەردانی فەرمیی شاندی حکومەت بە سەرۆکایەتیی سەرۆکوەزیران بارزانی بۆ ئەمریکا دەخرێتەڕوو و کۆبوونەوەکانیان لەگەڵ کۆشکی سپی، کۆنگرێس، وەزارەتی دەرەوە، پێنتاگۆن و گەنجینەی ئەمەریکا دەخرێتەڕوو.

 

• بڕگەی دووەم: ڕاپۆرتی دەستەی دەستپاکی، لەبارەی جێبەجێکردنی ستراتیژیی نیشتمانیی ڕووبەڕووبوونەوەی گەندەڵی دەخرێتەڕوو.

 

• بڕگەی سێیەم، هەنگاو و ڕێکارەکانی ئەم دواییەی وەزارەتی دارایی و وەزارەت و لایەنە پەیوەندیدارەکانی دیکەی حکومەت، سەبارەت بە مووچەی مووچەخۆران دەخرێتەڕوو.