100 خێزانی کوردی ئێزدی دەگەڕێنەوە زێدی خۆیان

ئاڤا نیوز
 
سەرچاوەیەکی ئاگادار گەڕانەوەی نزیکەی 100 خێزانی كوردی ئێزدی لە کەمپەکانی هەرێمی کوردستانەوە  بۆ زێدی خۆیان لە سنووری پارێزگای نەینەوا ڕاگەیاند.

وێنە گەورەكە: حكومەتی فیدراڵی عێڕاق بە هەماهەنگی حكومەتی هەرێمی كوردستان، هەوڵی داخستنی سەرجەم كەمپەكانی هەرێمی كوردستان و گەڕانەوەی ئاوارەكان بۆ شوێنی خۆیان دەدات، كە ئێستا 34 كەمپ ماون و حكومەتی هەرێمی كوردستانیش نایەوێت بەزۆر ئاوارەكان بگەڕێندرێنەوە زێدی خۆیان.

زانیاریی بەدەستهاتوو: بەپێی سەرچاوەیەک، نزیکەی 100 خێزانی کوردی ئێزدی گەڕاونەتەوە بۆ ئەو ناوچانەی کە لێیەوە ئاوارەبوون لە هەردوو ناحییەی شیمال و سنونێ و کۆمەڵگەکانی حەتین و دۆکری و بورک، لە سنووری پارێزگای نەینەوا.

باکگراوند: ڕۆژی 3ی ئابی 2014 چەکدارانی داعش هێرشیان بۆ سەر دەڤەری شنگال دەستپێکرد و بەهۆیەوە 400 هەزار خێزانی کوردی ئێزدی ئاوارەی هەرێمی کوردستان و پارێزگای نەینەوا بوون.