نێچیرڤان بارزانی لەگەڵ شا عەبدوڵڵای دووەم کۆدەبێتەوە

ئاڤا نیوز

 

نێچیرڤان بارزانی، بەسەردانێکی فەرمی دەچێتە عەممانی پایتەختی ئوردن و لەلایەن شا عەبدوڵڵای دووەم پێشوازی لێدەکرێت. 

 

ڕاگەیێنراوی فەرمی: سەرۆکایەتیی هەرێمی کوردستان ڕایگەیاند، ئەمڕۆ یەکشەممە نێچیرڤان بارزانی، سەرۆکی هەرێمی کوردستان بە سەردانێکی فەرمی دەگاتە عەممانی پایتەختی شانشینی ئوردنیی هاشمی.

 

زانیاریی زیاتر: بڕیارە سەرۆکی هەرێمی کوردستان لەلایەن  شا عەبدوڵڵای دووەم کوڕی حوسێن، شای ئوردن پێشوازیی لێبکرێت، هاوکات لەسەر پرسی پته‌وکردنی پەیوەندییه‌کانی هه‌ردوولا و هاریکاریی هاوبه‌شی عێراق و هەرێمی کوردستان له‌گه‌ڵ شانشینی ئوردن کۆببنەوە. 

 

ئەمەش بزانە: هەر لەچوارچێوەی سەردانەکەیدا بۆ ئوردن، نێچیرڤان بارزانی لەگەڵ ژمارەیەک لە بەرپرسانی باڵای ئەو وڵاتە دیدار و کۆبوونه‌وه‌ی ده‌بێت.

 

بەتەنیشت ئەم بابەتەوە: ڕۆژی شەممە لە ڕۆمای پایتەختی ئیتاڵیا، سەرۆکی هەرێمی کوردستان وەکو نوێنەری عێراق و کوردستان بەشداربوو لە ڕێوڕەسمی بەخاکسپاردنی تەرمی پاپا فرانسیس پاپای ڤاتیکان.