هاوردەکردنی ئاژەڵ بۆ بەغدا قەدەغە دەکرێت

ئاڤا نیوز

 

بەمەبەستی ڕێگریکردن لە بڵاوبوونەوەی تای خوێنبەربوون، لیژنەی باڵای تایبەت بە پەتاکان لە بەغدا بڕیاریدا 14 پێش جەژنی قوربان هاوردەکردنی هەموو جۆرە ئاژەڵێک بۆ بەغدا قەدەغە بکرێت. 

 

وێنە گەورەکە: تای خوێنبەربوون ڤایرۆسێکە لە ڕێگەی ئاژەڵەوە دەگوازرێتەوە بۆ مرۆڤ بەهۆیەوە چەندین حاڵەتی تووشبوون بە پەتاکە لە چەند پارێزگایەکی عێراق تۆمارکراوە و بەهۆیەوە چەند حاڵەتێکی مردن تۆمار کراون. 

 

لێدوانی فەرمی: موحسین عامیلی، بەڕێوەبەری نەخۆشخانەی ڤێتێرنەری بەغدا ڕایگەیاند: هەرچەند بڵاوبوونەوەی تای خوێنبەربوون لە پارێزگای بەغدا لە ژێر کۆنترۆڵدایە، بەڵام دۆخەکە لە پارێزگاکانی دیکەی عێراق جێگەی نیگەرانییە. 

 

- بۆ کۆنترۆڵکردنی پەتاکە پێویستە سەربڕینی هەڕەمەکی مەڕوماڵات لە شەقام و کۆڵانەکاندا پیش جەژنی قوربان قەدەغە بکرێت. 

- پێش جەژنی قوربان پێویستە هاوردەکردنی هەموو جۆرە ئاژەڵێک لە پارێزگاکانەوە بۆ بەغدا ڕابگیرێت.

مەترسییە پێشبینیکراوەکان: گواستنەوەی تای خوێنبەربوون بۆ مرۆڤ هەندێک جار مەترسیدارە چونکە دەبێتە هۆی تەقینی موولوولە تەنکەکانی خوێن و دەبێتە هۆی خوێنبەربوونی ژێر پێست.