بە بەشداری دەیان هەزار کەس فێستیڤاڵی باڵەکایەتی بەڕێوەدەچێت

ئاڤا نیوز

 

ڕۆژی پێنجشەممە لە سەیرانگەی گۆڕێ کۆران لە سنووری ناحیەی گەڵاڵەی باڵەکایەتی، فێستیڤاڵی ڕۆژی باڵەکایەتی ڕێکدەخرێت و پێشبینی دەکرێت دەیان هەزار کەس ئامادەبن.

 

وێنە گەورەکە: ئەم فێستیڤاڵە ساڵانەیە و لە باڵەکایەتی دەکرێت بڕگە و بابەتی هەمەجۆری جیاواز و کوردەواری لەخۆدەگرێت و پێشبینی دەکرێت دەیان هەزار کەس ئامادەبن. کولتوور، هونەر، خواردن و کەلەپوری هەر چوار پارچەی کوردستان بەتایبەت ڕۆژهەڵاتی کوردستان لەوێ نمایش دەکرێن و ئاوێزانی یەکدی دەبن.

 

ئەوەی پێشبنی دەکرێت؛ ئەوەی خەڵکی باڵەکایەتی بێت لە هەر شوێنێک نیشتەجێ بن، لەو ڕۆژە بارگە و بنەی دەپێچێتەوە و دەگەڕێتەوە زێدی خۆی تا لە چالاکییەکانی ئەو ڕۆژە بەشدار بێت.

 

لێدوانی فەرمی: ئەحمەد بارزان، قایمقامی چۆمان بە ئاڤای گوت، "جگە لە هەڵدانی سەدان ڕەشماڵ، هونەرمەندانی هەرچوار پارچەی کوردستان لەو فێستیڤاڵە بەشدار دەبن، لەوانە گرووپێکی گۆڕانی ڕەسەنی ڕۆژهەڵاتی کوردستان، ژمارەیەک میوزیسیانی ڕۆژئاوا، حەیرانبێژانی سنوورکە و هونەرمەندی میللی باشووریش بەشدار دەبن."

 

زانیاریی زیاتر: جگە لەوەش دەیان گرووپی گەشتیاریی ناوخۆ و پارێزگاکانی دیکەی عێراق و ڕۆژهەڵاتی کوردستان بەشدار دەبن، لەژێر ڕەشماڵەکانیش چالاکی دەبێت ئه‌و ئامراز و كه‌ره‌ستانه‌ی ئێستا ته‌كنه‌لۆژیا شوێنی لێژ كردوون، نمایش دەکرێت.