كارەكانی ڕێكخستنی شۆستە و شەقامە ناوخۆییەكانی قەرەبووی ڕەشكین دەستپێدەكات

ئاڤا نیوز

كارەكانی ڕێكخستنی شۆستە و شەقامە ناوخۆییەكانی قەرەبووی ڕەشكین لە شاری هەولێر دەستپێدەكات، بۆ ئەم مەبەستەش سەرۆكایەتیی شارەوانیی هەولێر، تەندەری پرۆژەكە ڕادەگەیەنێت.

 

وێنە گەورەكە: دوو ساڵ لەمەوبەر دانیشتووانی گوندی ڕەشكین، بە وەرگرتنی زەوی لە ناوچەیەكی نێوان هەردوو شەقامی تێرمیناڵ و كۆڕنیش لە گەڕەكی گوڵان، قەرەبووكرانەوە، جگە لە وەرگرتنی بڕە پارەیەكی زۆر بۆ دروستكردنی خانووەكانیان، هەر ئەوكات دەستبەجێ تاپۆی زەوییەكانیان پێدرایەوە.

 

ڕاگەیێنراوی فەرمی: سەرۆكایەتیی شارەوانیی هەولێر، لە ڕاگەیێنراوێكدا بڵاویكردووەتەوە، تەندەری پڕۆژەی كاری چینی یەكەم و لێدانی كێربستۆن و چینی دووەم و كاری ڕێكخستنی شۆستە بۆ شەقامەكانی قەرەبووی ڕەشكین، ڕاگەیاند. 

 

ئەوەی پێویستە بیزانیت: هەر بەڵێندەر و كۆمپانیایێكی جێبەجێكار خواستی بەشداریكردنی تەندەرەكەی هەیە، ڕۆژی یەكشەممە 18-5-2025 كاتژمێر 11ـی پێشنیوەڕۆ، كۆتا وادەیە بۆ وەرگرتنی تەندەرەكان، بەو مەرجەی لایەنی جێبەجێكار لەماوەی 120 ڕۆژدا پرۆژەكە تەواوبكات، سزای دواكەوتن بۆ هەر ڕۆژێك بڕی 300 هەزار دینارە.