دانیشتووانی گوندی زەرواو مەراسیمی ڕێزلێنان بۆ مامۆستایەک ڕێکدەخەن

ئاڤا نیوز 

 

مامۆستایەک لە دەستبەکاربوونی تا خانەنشین بوونی لە یەک گوند خزمەتی کردووە و ڕاژەی نەگواستووەتەوە.

 

چیرۆکی سەرەکی: ئەنوەر محەممەد کە خەڵکی شاری هەولێرە و لە ساڵی 1991 بۆ یەکەم جار وەک مامۆستا لە قوتابخانەی گوندی زەرواو لە ناحیەی دارەشەکران دەستبەکار دەبێت، ئەم مامۆستایە تا خانەنشین بوونی لەم گوندە مایەوە و ڕاژەی نەگواستەوە لە کاتێکدا 34 ساڵە لە هەولیرەوە هاتووچۆ بۆ ئەم گوندە دەکات.

 

لێدوانی فەرمی: مامۆستا ئەنوەر گوتی: ئەم گوندەم زۆر خۆشویست و خەڵکەکەی زۆر باش بوون بۆیە هیچ کات بیرم لە گواستنەوەی ڕاژەکەم نەکردەوە.

 

ئەمەش بزانە: چەند رۆژێک پیش ئێستا مامۆستا ئەنوەر خانەنشین بوو، خەڵکی گوند مەراسیمێکی تایبەتی ڕێزلێنانیان بۆ ئەنجامدا و سوپاسی وەفا و ماندووبوونیان کرد.

 

ئەوەی پیویستە بیزانیت: گوندی زەرواو سەر بە ناحیەی دارەشەکرانە لە قەزای پیرمام لە سنوری پارێزگای هەولێر، گوندەکە 30 کیلۆمەتر لە شاری هەولێر دوورە و ساڵی 1977 بۆ یەکەمجار قوتابخانە لەم گوندە کراوەتەوە.