عەشیرەتی ئەلبغزات سوپاسی سەرۆک بارزانی دەکەن بۆ قووڵكردنەوەی ڕۆحی برایەتیی نێوان پێكهاتەكان

ئاڤا نیوز

 

عەشیرەتی ئەلبغزات کە سەربە هۆزی (ئەلجبور)ـن، سوپاس و پێزانیان هەیە بۆ هەوڵەکانی سەرۆک بارزانی لە قووڵکردنەوەی ڕۆحی لێبوردەیی و برایەتی نێوان پێکهاتەکان.

 

ڕاگەیێنراوی فەرمی: بارەگای بارزانی ئەمڕۆ یەکشەممە ڕایگەیاند، سەرۆک بارزانی، لە سەلاحەددین پێشوازیکردووە لە شێخ عیسا موحسن ئەلسەبیل، سەرۆکی شاندی عەشیرەتی ئەلبغزات و مونا ئەلسەبیل ئەندامی ئەنجوومەنی نوێنەرانی عێراق. شاندەکە پێزانینی خۆیان دەربڕیووە بۆ ڕۆڵی سەرۆك بارزانی لە قووڵكردنەوەی ڕۆحی لێبوردەیی و برایەتیی لەنێوان پێكهاتەكانی عێراق.

 

زانیاریی زیاتر: شاندەکە سوپاسی گەلی كوردستانیان كرد كە لە ڕۆژانی تەنگانەدا باوەشیان بۆ حەواندنەوە و پەنادانی سەدان هەزار ئاوارەی پارێزگاكانی ناوەڕاست و باشووری عێراق كردەوە.

لەلایەکی دیکە: جەخت لەسەر هەماهەنگی و پەیوەندیی نێوان پێكهاتەكان و بەهێزكردنی بەهاكانی پێكەوەژیان و خۆشەویستی نێوان پێكهاتە ئایینی و نەتەوەییەكانی عێراق و ڕیشەكێشكردنی توندڕۆیی و نەهێشتنی كولتووری ڕق و تۆڵە كردەوە.

 

ئەوەی پێویستە بیزانیت: عەشیرەتی ئەلبغزات کە سەربە هۆزی ئەلجبورن، یەکێکن لە عەشیرەتە گەورەکانی سنووری پارێزگای کەرکووک. بەشی زۆریان لە ناحیەی زاب لە قەزای حەویجە نیشتەجێن.