ئۆکراینا بە فڕۆکەی بێفڕۆکەوان مۆسکۆی کردە ئامانج

ئاڤا نیوز

 

ڕووسیا ڕایگەیاند، سوپای ئۆکراینا لە ڕێگەی دەیان فڕۆکەی بێفڕۆکەوانەوە مۆسکۆی پایتەختی کردووەتە ئامانج.

 

وێنە گەورەکە: ڕووسیا و ئۆکراینا بەردەوامن لە هێرشەکانیان بۆ سەر ناوچەکانی یەکتر و لەسەر ئاستی نێودەوڵەتیش ئەمریکا و وڵاتانی ڕۆژئاوا داوای ڕاگرتنی جەنگەکە دەکەن.

 

بڵاوکراوەی فەرمی: میدیاکانی ڕووسیا بڵاویانکردووەتەوە، بەهۆی هێرشەکەی ئۆکرایناوە بۆ سەر مۆسکۆ نزیکەی 10 فڕۆکەخانەی ڕووسیا داخراون.

 

لێدوانی فەرمی: سێرگی سۆبیانین، سەرۆکی شارەوانیی مۆسکۆ ڕایگەیاند، سیستمی بەرگریی وڵاتەکەی، 19 فڕۆکەی بێفڕۆکەوانی ئۆکراینایان خستووەتە خوارەوە.

 

بۆچی گرنگە: ئەم هێرشانە لە کاتێکدایە، بڕیارە ڕۆژی هەیینی، ڕووسیا لە مۆسکۆی پایتەخت نمایشێکی سەربازیی فراوان بە ئامادەبوونی ڤلادیمێر پووتین، سەرۆکی ڕووسیا و  بە بەشداریی 20 سەرکردەی وڵاتانی جیهان ئەنجام بدات.