پڕۆژەی فریاگوزاریی خێرای ئاوی هەولێر پێش وادەی خۆی تەواو دەکرێت

ئاڤا نیوز

 

سەرۆکوەزیران مەسرور بارزانی، پڕۆژەی فریاگوزاریی خێرای ئاوی هەولێری بەسەرکردەوە و دەستخۆشی لە کۆمپانیای جێبەجێکار و ئەندازایارانی پڕۆژەکە دەکات، کە تا ئێستا زیاتر لە 75% پڕۆژەکە تەواو بووە و یەکێکە لە گەورەترین پڕۆژەکانی ئاو لەسەر ئاستی عێراق.

 

وێنە گەورەکە: لە ڕابردوودا بەهۆی دابەزینی ئاستی ئاوی ژێر زەوی لە هەولێر چەند گەڕەکێک دووچاری کەمئاوی هاتبوون و ئەم هاوینە ئاوی ئەو پڕۆژە ستراتیژیە دەگاتە گەڕەکەکان و تا 30 ساڵی دیکە کێشەی کەمئاوی چارەسەر دەبێت، تێچووی پڕۆژەکە 480 ملیۆن دینارە و لەلایەن هێمن گرووپەوە جێبەجێ دەکرێت.

 

ڕاگەیێنراوی فەرمی: ماڵپەڕی حکومەتی هەرێمی کوردستان بڵاویکردووەتەوە، ئەمڕۆ سێشەممە سەرۆکوەزیران مەسرور بارزانی، پڕۆژەیەکی گرنگ شاری هەولێر بەسەرکردەوە کە ساڵی ڕابردوو بەردی بناغەکەی دانا و ئێستا لە قۆناغی کۆتایدایە. 

 

زانیاریی زیاتر: پڕۆژەی فریاگوزاریی خێرای ئاوی هەولێر تا ئێستا 75% کارەکانی تەواو بووە و  یەکێکە لە گەورەترین پڕۆژەکانی ئاو لەسەر ئاستی عێراق کە کێشەی کەمئاوی بۆ چەند ساڵی ئایندە لە هەولێر چارەسەر دەکات. کوالێتی ئاوی پڕۆژەکە لە بەرزترین ئاستدایە، بڕیارە ئەمساڵ بەر لەکاتی دیاریکراوی خۆی تەواو بکرێت. 

 

لەلایەکی دیکەوە: سەرۆکوەزیران مەسرور بارزانی، دەستخۆشی لە کۆمپانیای جێبەجێکار دەکات کە کار دەکەن بۆ ئەوەی لە ئایندەیەکی نزیکدا پڕۆژەکە بخرێتە خزمەت هاووڵاتییانی هەولێر.