هەڵبژاردن لە ڕووسیا دەستپێدەكات و دەسەڵاتداران هۆشداری دەدەن

ئاڤا نیوز

داواكاری گشتی مۆسكۆ هۆشداری لە ئەگەری ڕوودانی هەر جووڵەیەكی ناڕەزایەتی لە بنكەكانی دەنگدان دەدات، دوای ئەوەی هاوسەری ناڤالنی داوای لە دەنگدەران كرد لە بنكەكانی دەنگدان بۆ هەڵبژاردنی سەرۆكایەتی ڕووسیا كۆببنەوە.

وێنە گەورەكە: بڕیارە ڕۆژی هەینی تا یەكشەممە، هەڵبژاردنەكانی سەرۆكایەتی لە ڕووسیا بەڕێوەبچێت، بەڵام، بەهۆی كێشە ناوخۆیی و دەرەكییەكان مەترسی درووستبوونی ناڕەزایەتی هەیە.

ئەوەی پێویستە بیزانیت:  لە ماوەكانی ڕابردوو،  یولیا ناڤالنی، هاوسەری ئەلێكسی ناڤالنی سەرۆكی  كۆچكردووى ئۆپۆزيسیۆنی ڕووسیا، داوای لە لایەنگرانی كرد لە رۆژی هەڵبژاردنەكاندا لە بنكەكانی دەنگدان كۆببنەوە.

لە لایەكی دیكەوە: دەسەڵاتدارانی ڕووسیا ڕایانگەیاند، هەركەسێك لەو بۆنە جەماوەرییانەدا بەشداری بكات بەپێی یاسا سزا دەدەرێت.

باكگراوند: بە بریاری ئەنجوومەنی باڵای هەڵبژاردنەكانی ڕووسیا لە 15 تا  ی17 ئادار هەڵبژاردنەكانی سەرۆكایەتی لەو وڵاتە بەڕێوەدەچێت، ڤلاديمیر پووتینی تەمەن 71 ساڵ بەهێزترین بەربژێری ئەو پۆستەیە.