ئاگربەستی سێ ڕۆژەی ڕووسیا لەگەڵ ئۆکراینا دەست پێدەکات

ئاڤا نیوز

ئاگربەستی ڕووسیا کە لە لایەن ڤلادیمێر پووتینەوە ڕاگەیێنرا چووە بواری جێبەجێکردنەوە و بۆ ماوەی سێ ڕۆژ بەردەوام دەبێت.

وێنە گەورەکە: دوای داواکاری دۆناڵد ترەمپ، سەرۆکی ئەمریکا بۆ پیشاندانی ویستی ڕاستەقینە بۆ گەیشتن بە ئاشتی لە نێوان ئۆکراینا و ڕووسیا، ڤلادیمێر پووتین، سەرۆکی ڕووسیا بۆ جاری دووەم دوای داواکارییەکەی ترەمپ ئاگربەستی کاتی بۆ ماوەی سێ ڕۆژ لەگەڵ ئۆکراینا ڕاگەیاند.

لێدوانی فەرمی: ڤلادیمێر پووتین، سەرۆکی ڕووسیا بە بۆنەی یادی 80 ساڵەی سەرکەوتنی سوپای سوری ڕووسی بەسەر سوپای نازیدا ئاگربەستێکی کاتی لەگەڵ ئۆکراینا ڕاگەیاند و بۆ ماوەی سێ ڕۆژ بەردەوام دەبێت، سەرۆکی ڕووسیا گوتی: ئاگربەستەکە لە ڕۆژانی 8 بۆ  10ـی مانگی 5 دەبێت و ئاگربەستێکی گشتگیر دەبێت و هیچ هێرشێک ئەنجام نادرێت.

بۆچی گرنگە: ڕاگەیاندنی ئاگربەستی کاتی لە لەلایەن ڕووسیاوە وەڵامێکی گرنگ بوو بۆ داواکاری دۆناڵد ترەمپ، سەرۆکی ئەمریکا بۆ پیشاندانی ویستی ڕاستەقینە بۆ ڕاگرتنی جەنگ، هەروەها هەنگاوێکی گرنگە بۆ نزیکبوونەوە لە ڕێککەوتنامەی ئاشتی و کۆتاییهێنان بە جەنگ.