چۆن ئۆتۆمبێلی تایبەت دەتوانرێت بکرێتە تاکسی؟

ئاڤا نیوز

 

وەزارەتی ناوخۆی هەرێمی کوردستان لە بڕیارێکی نوێدا چۆنییەتی گۆڕینی ئۆتۆمبێلی تایبەت بۆ تاکسی و پێدانی تابلۆ ڕووندەکاتەوە، کە لەمساڵدا سێ جۆر مۆدێلی نوێ دەتوانرێت تۆمار بکرێن. 

 

لێدوانی فەرمی: د. هێمن میرانی، بەڕێوەبەری گشتیی دیوانی وەزارەتی ناوخۆی هەرێمی کوردستان، ڕایگەیاند، ڕێنمایی 3ـی ساڵی 2025 ڕێنماییەكی تەواو ئارەزوومەندانەیە بۆ شۆفێرانی تاكسی بۆ ئەوەی هەر كاتێك ئەوان لە ڕووی داراییەوە ئامادەبن و بتوانن ئۆتۆمبێلێكی تایبەتی نوێ‌ بكڕن، هەروەها ئۆتۆمبێلی ژمارە كاتی یان ئۆتۆمبێلی تۆماركراوی بەكارهاتووی مۆدێل 2023 و 2024 و 2025 دەتوانرێت بكرێتە تاكسی.

 

زانیاریی زیاتر: تەکسیە کۆنەکە تابلۆکەی دەگوازرێتەوە بۆ ئۆتۆمبێلی تازە و کۆنەکەش بە ڕەنگێکی نوێ بۆیە دەکرێت و تابلۆیەکی لەلایەن بەڕێوەبەڕایەتیی هاتووچۆوە بێ بەرامبەر پێدەدرێت. 

ئەوەی پێویستە بیزانیت: ئەمساڵ تەنیا ئۆتۆمبێلی مۆدێل 2023 تا 2025 دەکرێتە تەکسی، ساڵی داهاتووش ڕێگە دەدرێت 2024 تا 2026، واتا ساڵانە تەنها سێ مودێلی نوێ ڕێگەی پێدەدرێت بکرێتە تەکسی.