یەكێتی بەربژێرەكانی بۆ هەڵبژاردنی پەرلەمانی كوردستان یەكلادەكاتەوە

ئاڤا نیوز

بڕیارە ئەمڕۆ یەکێتیی نیشتمانی کوردستان، لە کۆبوونەوەی مەکتەبی سیاسیدا گفتوگۆ لەسەر کاندیدەکانی بۆ هەڵبژاردنی خولی شەشەمی پەرلەمانی کوردستان بکات و یەکلاییان بکاتەوە.

لێدوانی فەرمی: مەکتەبی سیاسی یەکێتی نیشتیمانی کوردستان ئەو سیڤیانەی کە لەلایەن ڕێکخستنەکان وەرگیراون، بەپێی بازنەکانی هەڵبژاردن بۆ پەرلەمانی کوردستان یەکلا دەکاتەوە، بەربژێرەکانمان پێشتر لەلایەن مەڵبەندەکانی یەکێتیەوە دەستنیشانکراون و بە هەڵسەنگاندنی لیژنەدا تێپەڕیون دەنگیان لەسەر دەدرێت. سەعدی ئەحمەد پیرە، گوتەبێژی یەکێتیی نیشتمانی کوردستان وای بە ئاڤا نیوز گوت.

زانیاریی زیاتر: بڕیاروایە بۆ کۆکردنەوەی دەنگی زیاتر یەکێتی بۆ هەر بازنەیەکی هەڵبژاردن دوو ئەوەندەی ژمارەی کورسیەکانی ئەو بازنەیە بەربژێری هەبێت، واتە بەکۆی گشتی لەهەر چوار بازنەکەی هەڵبژاردن، بە 200 بەربژێر بەشداری دەکات بۆ بەدەستهێنانی زۆرترین کورسی لە 100 کورسییەکەی پەرلەمانی کوردستان . 

زانیاری تایبەت: ئاڤا نیوز ناوی بەشێک لە کاندیدەکانی یەکێتیی بڵاودەکاتەوە:

-    د. یاد نەقشبەندی
-    د. ئومێد عەلی 
-    شەماڵ وەرتێ
-     خەڵەف ئەحمەد
-    بەرزان عوسمان
-     لۆزان مینا
-    محەممەد فەیسەڵ
-     زانا حەسەن 
-     قادر ڕەزگەیی
-    سەرکۆ گەڵاڵی
-    شیرین یونس
-     ڕۆژان حەمەرەش