سوودانی بەبۆنەی بردنەوەی باشترین هاندەری ساڵ پیرۆزبایی لە یانەی زاخۆ دەکات

ئاڤا نیوز

 

سەرۆکوەزیرانی عێراق بەبۆنەی بردنەوەی خەڵاتی فیفا بۆ باشترین هاندەر لە ساڵی 2025، پیرۆزبایی لە یانەی زاخۆ کرد و سوپاسی هەموو ئەو کەس و لایەنانەشی کرد کە دەنگیان دا و هاوکاربوون بۆ بردنەوەی خەڵاتەکە.

 

چیرۆکی سەرەکی: ئەمڕۆ سێشەممە یەکێتیی تۆپی پێی جیهان 'فیفا' ڕایگەیاند یانەی زاخۆ بووەتە براوەی خەڵاتی باشترین هاندەر لە ئاستی جیهان بۆ ساڵی 2025.

 

ڕاگەیێنراوی فەرمی: حکومەتی عێراق لە ڕاگەیێنراوێکدا باسی لەوەکردووە، محەممەد شیاع سوودانی، سەرۆکوەزیران لە کۆبوونەوەی ئەمڕۆی ئەنجوومەنی وەزیرانی فیدڕاڵ، پیرۆزبایی لە یانەی وەرزشی زاخۆ کرد بەبۆنەی بردنەوەی خەڵاتی فیفا وەک باشترین هاندەر بۆ ساڵی 2025.

 

- بەگوێرەی ڕاگەیێنراوەکە، بۆ بەدەستهێنانی ئەو خەڵاتە سوودانی سوپاسی جەماوەر و یەکێتییە وەرزشییەکانی کرد کە وەڵامی بانگەوازەکەی سەرۆکوەزیرانی فیدڕاڵیان دایەوە بۆ دەنگدان بە هاندەرانی یانەکە.