قۆناغی یەکەمی پڕۆژەی فریاگوزاریی ئاوی خێرای هەولێر تەواو دەکرێت

ئاڤا نیوز

 
%75 ـی کارەکانی پڕۆژەی فریاگوزاریی خێرای ئاوی هەولێر تەواوبووە، بەمەش ناوەڕاستی مانگی حەوت قۆناغی یەکەمی تەواو دەبێت.

 

وێنە گەورەکە: لە ماوەی ڕابردوو، بەهۆی دابەزینی ئاستی ئاوی ژێر زەوی لە هەولێر چەند گەڕەکێک دووچاری کەمئاوی هاتبوون و ئەم هاوینە ئاوی ئەو پڕۆژە ستراتیژیە دەگاتە گەڕەکەکان و تا 30 ساڵی دیکە کێشەی کەمئاوی چارەسەر دەبێت.

 

لێدوانی فەرمی: ئاری ئەحمەد، بەڕێوەبەری گشتی ئاو و ئاوەڕۆی هەرێمی کوردستان بە ئاڤای گوت، "سەرەتای مانگی حەوت ئەو گەڕەکانەی کەوتوونەتە دەرەوەی شەقامی 120 مەتری، نێوان شەقامی ڕەشکین و تاوەکو شەقامی کۆیە، کێشەی ئاویان نامێنێت."

 

زانیاریی زیاتر: هەر لە چوارچێوەی ئەو پڕۆژەیە، تاوەکو ناوەڕاستی مانگی حەوت ئاو دەگاتە بنەسڵاوە، کەسنەزان و دارەتوو.