مەسرور بارزانی: پێویستە بەرپرسانی پارتی زیاتر خزمەتی خەڵک بکەن

ئاڤا نیوز

مەسرور بارزانی، جێگری سەرۆکی پارتی دیموکراتی کوردستان لەمیانەی سەردانی بۆ دهۆک، لەگەڵ  لەگەڵ مەکتەبی ڕێکخستنی پارتی لە دهۆک کۆبووەوە.

چیرۆکی سەرەکی: ئەمڕۆ یەکشەممە، مەسرور بارزانی، جێگری سەرۆکی پارتی دیموکراتی کوردستان، لە چوارچێوەی سەردانەیدا بۆ دهۆک، لەگەڵ مەکتەبی رێکخستنی پارێزگای دهۆکی پارتی کۆبووەوە.

بڵاوکراوەی فەرمی: لەمیانەی کۆبوونەوەیدا جێگری سەرۆکی پارتی ئاماژەی بەوە دا، پارتی بە ڕابەرایەتی سەرۆک بارزانی، ئەمڕۆ گەورەترین و بەهێزترین حیزبی کوردستان و عێراقە، کە خاوەنی مێژوویەکی پڕ سەروەرییە، بۆیە دەبێت ئەندام و کادیر و لایەنگرانی پارتی لە ئاست گەورەیی و مەزنی پارتیدابن و هەمیشە لەگەڵ جەماوەر و خواست و داواکاریی ڕەوای خەڵکی کوردستاندابن.

زانیاریی زیاتر: مەسرور بارزانی ئاماژەی بەوەشداوە، پارتی حیزبی هەموو ناوچە و دەڤەرێکی کوردستانە، خەڵکی بادینانیش، قوربانییەکی زۆریان لە پێناو کوردستان داوە و پێگەیەکی تایبەتیان لای پارتی هەیە، بۆیە پێویستە بەرپرسانی پارتی، زیاتر خزمەتی خەڵک بکەن.