ئیتاڵیا خولی ڕاهێنانی پیشەیی خواردن و خواردنەوە بۆ گەنجانی کورد دەکاتەوە

ئاڤا نیوز

لە ماوەی ڕابردوو خولێکى ڕاهێنانی پیشەیی خواردن و خواردنەوەی ئیتاڵی بۆ ژمارەیەک لاو و گەنج لە شاری هەولێر ڕێکخرابوو، ئەمڕۆ کۆتایی بە خولەکە هات.

ڕاگەیێنراوی فەرمی: پارێزگای هەولێر ڕایگەیاندووە، ئێوارەى ئەمڕۆ یەکشەممە بە ئامادەبوونى ئومێد خۆشناو، پارێزگارى هەولێر و تۆماسۆ سانسۆنێ، كونسوڵى گشتيى ئيتاڵيا له‌ هەولێر و ئەنتونێلۆ ئەندریۆتۆلا، فه‌رمانده‌ی هێزه‌كانی سوپای نیشتیمانى ئیتاڵیا، لەلایەن تیمى هاوکارى سەربازى مەدەنى هێزەکانی ئیتاڵیا لە هەولێر، لەمەراسیمێکدا کۆتایی بە خولێکى ڕاهێنانی پیشەیی خواردن و خواردنەوەی ئیتاڵی هات، کە بۆ ژمارەیەک لاو و گەنج ڕێکخرابوو.

زانیاریی زیاتر:  پارێزگارى هەولێر، وێراى دەستخۆشى لە تیمى هاوکارى سەربازى مەدەنى هێزەکانی ئیتاڵیا لە هەولێر و ڕاهێنەرانى خولەکە، کردنەوەی ئەو خولەى بە هۆکارێکی گرنگ بۆ دۆزینەوەی دەرفەتی کار بۆ گەنجان و لاوان وەسفکرد، کە دەتوانن بەهۆیەوە پێداویستی بازاڕ پڕبکەنەوە و ببنە خاوەنی کاری خۆیان، هاوکات پیرۆزبایی لە ڕاهێندراوانى بەشداربووى خولەکەش کرد و هیواى سەرکەوتنى بۆ خواستن.