سعودییە پڕۆژەیەکی گەورەی وەبەرهێنان لە ژیری دەستکرد ڕادەگەیێنێت

ئاڤا نیوز

شازادەی جێنشینی سعودییە پڕۆژەیەکی گەورەی وەبەرهێنانی لە ژیری دەستکرد ڕاگەیاند، بەرپرسانی کۆمپانیاکەش دەڵێن، پڕۆژەکە هاوکار دەبێت لە بوونیادنانی ژێرخانی ژیری دەستکرد بە زمانی عەرەبی و سعودییەش دەبێتە پێشەنگ لە بەکارهێنانیدا.

چیرۆکی سەرەکی: محەممەد بن سەلمان، شازادەی جێنشینی سعودییە، ئەمڕۆ دووشەممە 12-5-2025، بۆ یەکەمجار کۆمپانیایەکی تایبەتی بەژیری دەستکرد بەناوی "هیومان" ڕاگەیاند، ئامانجی کۆمپانیاکە پەرەپێدان و بەڕێوەبردنی چارەسەر و تەکنەلۆژیای ژیری دەستکرد و وەبەرهێنانە لە سیستەمی ئەو کەرتەدا.

ڕاگەیێنراوی فەرمی: بەگوێرەی میدیاکانی سعوودیە، محەممەد بن سەلمان، سەرۆکایەتیی دەستەی بەڕێوەبەریی کۆمپانیاکە دەکات کە چەندین پسپۆری پێشکەوتوو لەخۆدەگرێت و کار لەسەر دابینکردنی نوێترین مۆدێل و ئەپڵیکەیشنی AI دەکەن، لەوانە پەرەپێدانی یەکێک لە باشترین مۆدێلەکانی زمانی گەورە (LLMs) بە زمانی عەرەبی.

لەلایەکی دیکەوە: بەرپرسانی کۆمپانیاکە دەڵێن، ئەم پڕۆژەیە هاوکاردەبێت بۆ بوونیادنانی ژێرخانی ژیری دەستکرد و سعوودیە وەک کارەکتەرێکی جیهانی کێبڕکێ لەگەڵ وڵاتانی دیکەی پێشکەوتوو دەکات، هاوکات مافی خاوەندارێتی فیکری بۆ داهێنەران و دەرفەتی وەبەرهێنان و باشترین بەهرەمەندەکان لە کەرتەکەدا دەستەبەر دەکات.