باخچەلی سوپاسی عەبدوڵڵا ئۆجەلان دەکات

ئاڤا نیوز 

 

دەوڵەت باخچەلی، سەرۆکی مەهەپە بڕیارەکەی پەکەکە بە پێشهاتێکی مێژوویی ناودەبات و سوپاسی ئۆجەلان دەکات و دەڵێت: زۆر سوپاسی ڕێبەری دامەزرێنەری پەکەکە" عەبدوڵڵا ئۆجەلان دەکەم بۆ ئەو بەرپرسیاریەتییە مێژووییەی لە ئەستۆ گرت. 

 

بۆچی گرنگە: باخچەلەی لە بری ئەوەی ئۆجەلان بە "سەرۆکی تیرۆرستان ناوببات" بە "ڕێبەری دامەزرێنەری پەکەکە" ناوی برد، ئەمەش کاردانەوەی ئەو کەسانەی بەدوای خۆیدا هێنا کە دژی پرۆسەی ئاشتیین لە تورکیا. 

 

ڕاگەێنراوی فەرمی: باخچەلی ڕایگەیاند: خۆهەڵوەشاندنەوەی پەکەکە کۆتایی بە هەموو کارەساتەکان دەهێنێت، هیوادارم و ئاواتەخوازم کۆتایی بێت بە 47 ساڵ لاپەڕەی خوێناوی و هەرگیز دووبارە نەبێتەوە.

 

- باخچەلی سوپاسی هاوسەرۆک و پەرلەمانتارانی دەم پارتی کرد کە لەو ماوەیەدا ڕۆڵێکی گرنگیان لە سەرخستنی پرۆسەی ئاشتییدا بینیوە.

 

-ڕێز و خۆشەویستی و دڵسۆزی تورک بۆ کورد لە چواچێوەی تورکیادا دروست بووە و هیچ نیشانەیەکی پچڕان و پارچە پارچەبوون و لاوازبوون لەو بارەیەوە بەدی نەهاتووە.