ترەمپ: بیرلەوە دەکەمەوە پێنجشەممە بچمە ئیستەنبووڵ

ئاڤا نیوز

 

دۆناڵد ترەمپ، سەرۆکی ئەمریکا بەڕێوەچوونی دانوستانی نێوان ئۆکراینا و ڕووسیا بە گرنگ ناودەبات و دەڵێت: ڕەجەب تەیب ئەردۆغان، سەرۆککۆماری تورکیا میوانداری پرۆسەیەکی گرنگ دەکات و پێم وایە دەرئەنجامی باشی دەبێت، وابیردەکەمەوە ڕۆژی پێنجشەممە بەرەو تورکیا بڕۆم. 

 

وێنە گەورەکە: دوای ئەوەی ڤلادمیر پووتین، سەرۆکی ڕووسیا داوای لە تورکیا کرد، میوانداری لە دانوستانی نێوان ڕووسیا و ئۆکراینا لە ئیستەنبووڵ بکرێت، ڕەجەب تەیب ئەردۆغان، سەرۆککۆماری تورکیا بە خۆشحاڵییەوە داواکارییەکەی قبووڵ کرد و ئامادەیی تورکیای بۆ هەموو جۆرە پشتیوانییەک نیشان دا. 

 

لێدوانی فەرمی: دۆناڵد ترەمپ، سەرۆکی ئەمریکا لە کۆنگرەیەکی ڕۆژنامەوانیدا لە کۆشکی سپی ڕایگەیاند، ئەردۆغان داوای لێکردووم سزاکانی سەر سووریا هەڵبگرم، لەگەڵ ئەردۆغان  کار لەسەرپرس سووریا دەکەین. 

 

لە پاڵ ئەوەشدا: ترەمپ لە بارەی دانوستانەکانی نێوان ئۆکراینا و ڕووسیا لە ئیستەنبووڵ کە بڕیار وایە ڕۆژی 15-5 لە تورکیا بکرێت دەڵێت: ئەردۆغان میوانداریی پرۆسەیەکی گرنگ دەکات، پێم وایە دەرئەنجامی باشە دەبێت، لەو ڕۆژەدا نازانم لە چ شوێنێکی ڕۆژهەڵاتی ناوەڕاست دەبم، بەڵام گەر بۆم بکرێت دەچمە ئیستەنبووڵ.