گەڕی سەردانی ترەمپ بۆ وڵاتانی ڕۆژهەڵاتی ناوەڕاست دەستپێدەکات

ئاڤا نیوز

 

دۆناڵد ترەمپ، سەرۆکی ئەمریکا ڕۆژی ڕابردوو بەرەو وڵاتانی ڕۆژهەڵاتی ناوەڕاست بەڕێکەوت و بڕیارە ئەمڕۆ بگات؛ ئامانج لە سەردانەکەی نزیکبوونەوە و وەبەرهێنانی زیاترە لە وڵاتانی کەنداو.

 

وێنە گەورەکە: لە دووەم گەشتی دەرەوەی وڵات ترەمپ بڕیارە ئەمڕۆ سێشەممە 13-5-2025 بە گەشتێکی فراوان و مێژوویی سەردانی هەر یەکە لە سعودییە، قەتەر و ئیمارات بکات.

 

ئەوەی لەبارەیەوە دەگوترێت: چاوەڕوان دەکرێت ڕۆژی چوارشەممە بەشداری لە لووتکەی کەنداو لە سعودییە بکات، دواتر لەو ڕۆژەدا سەردانی قەتەر بکات و ڕۆژی پێنجشەممە سەردانەکەی لە ئیمارات کۆتایی پێبهێنێت.

 

زانیاریی بەدەستهاتوو: هەندێک لەسەرچاوەکان ئاماژە بەوە دەکەن، ئەگەری هەیە ترەمپ سەردانی تورکیا بکات، چونکە ترەمپ ئاماژەی بەوە کردووە "ئەگەر بوونی من لەوێ یارمەتیدەر بێت دەچم"، ئەمەش لە کاتێکدایە،کە دانوستانی نێوان ئۆکراینا و ڕووسیا بەشێوەیەکی ڕاستەوخۆ لەنێوان سەرۆکی هەردوو وڵات ئەنجام دەدرێت بڕیارە ڕۆژی 15-5 لە تورکیا بەڕێوەبچێت.

 

بۆچی گرنگە: ئامانجی سەردانەکە دەستەبەرکردنی گرێبەستە ئابوورییە گەورەکان و پێشکەوتنی دیپلۆماسییە لەسەر ئەو پرسانەی کە کاریگەرییان لەسەر ناوچەکە هەیە، لەنێویاندا ئاگربەستی غەززە و دانوستانەکانی ئاساییکردنەوەی سعودییە-ئیسرائیل.