ئەلێکساندەر دوای ئازادکردنی ڕەتیدەکاتەوە نەتانیاهۆ ببینێت

ئاڤا نیوز

 

ئیدان ئەلێکساندەر خاوەن هەردوو ڕەگەزنامەی ئەمریکی و ئیسرائیلییە، بەهەوڵی ترەمپ لەلایەن حەماسەوە ئازاد کرا و دوای گەڕانەوەی بۆ ئیسرائیل بینینی سەرۆکوەزیرانی ئیسرائیل ڕەتدەکاتەوە.

 

زانیاریی بەدەستهاتوو: لە دوای ئازادکردنی ئیدان ئەلێکساندەر، سەربازی ئیسرائیلی – ئەمریکی، لەلایەن بزووتنەوەی حەماسەوە لەڕێگەی دەروازەی کیسوفیمی کەرتی غەززە، ئازاد کرا و گەیشتەوە ئیسرائیل، لە کاتی ئازادکردنی ئەلێکساندەر، ڕەتیکردەوە چاوی بە بنیامین نەتانیاهۆ، سەرۆکوەزیرانی ئیسرائیل بکەوێت و سوپاسی دۆناڵد ترەمپی سەرۆکی ئەمریکای کردووە بۆ هەوڵەکانی بۆ پرسی بارمتەکان.

 

کاریگەری و لێکەوتەکان: نووسینگەی سەرۆکوەزیرانی ئیسرائیل لەبەرامبەر ئەمە وتی، نەتانیاهۆ سەرکردایەتیی هەوڵە سەرەکییەکەی کردووە و دۆناڵد ترەمپ، سەرۆکی ئەمریکا تەنیا هاوکاری کردووە، ئەم دەنگۆیانە ڕەتدەکاتەوە، دەشڵێت، نەتانیاهۆ پەیوەندییەکی تەلەفۆنی لەگەڵ ئەلێکساندەر ئەنجامداوە.

 

ئەوەی لەبارەیەوە دەگوترێت: ئەلێکساندەر لە گرتە ڤیدۆییەک کە مانگی نۆڤمبەر ساڵی ڕابردوو گیراوە، تیایدا بە توندی ڕەخنەی لە نەتانیاهۆ گرت و ئەوی تۆمەتبار کرد بەوەی کە واز لە زیندانییە ئیسرائیلییەکان هێناوە.