ئەمریکا سزای نوێی بەسەر ئێراندا سەپاند

ئاڤا نیوز

 

دانوستانەکانی نێوان ئەمریکا و ئێران نەبووەتە ڕێگر لەبەردەم ئەمریکا بۆ سەپاندی سزای نوێ، لەنوێترین بڕیاری ئەمریکا پاکێجێکی نوێ سزای بەسەر تاراندا سەپاند.

 

چی ڕوودەدات: ئەمریکا و ئێران هەوڵی لێکتێگەیشتن و نزیکبوونەوە لەیەکتری دەدەن بۆ ئەم مەبەستە چەندین جار بۆ پرسی ئەتۆمی ئێران کۆبوونەتەوە، ئەمریکاش بەردەوامە لە سەپاندی سزای نوێ بەسەر وڵاتەکەدا، ئەمەش کاریگەریی لەسەر بەردەوامی دانوستانەکانی نێوان هەردوولا دەکات. 

ڕاگەیێنراوی فەرمی: وەزارەتی دەرەوەی ئەمریکا ڕایگەیاند، ئێران بەردەوامە لە  فراوانکردنی بەرنامە ئەتۆمییەکەی، تاکە وڵاتی جیهانیشە بەبێ هەبوونی چەکی ئەتۆمی، ڕێژەی پیتاندنی یۆرانیۆمی گەیاندووەتە 60%.

 

زانیاریی بەدەستهاتوو: ئەم پاکێجە سزا نوێیەی ئەمریکا بۆ سەر ئێران، سێ هاووڵاتی و لایەنی ئێرانی دەگرێتەوە کە تۆمەتبارکران بە هاوکاریی ئێران لە پەرەپێدانی سیستەمی بەرگریی.

 

زانیاریی زیاتر: ئەمریکا و ئێران چوار خولی دانوستانیان بەنێوەندگیری عومان و بەسەرۆکایەتیی عەباس عێراقچی، وەزیری دەرەوەی ئێران و ستیڤ ویتکۆف، نێردەی ترەمپ بۆ ڕۆژهەڵاتی ناوەڕاست ئەنجامداوە، هەردوولا چاوەڕێی کۆبوونەوەی داهاتوو دەکەن.