نێردەی ترەمپ بەرەو دەوحە دەچێت بۆ تاوتوێکردنی ئاگربەستی غەززە

ئاڤا نیوز

 

ستیڤ وتیکۆف، نێردەی دۆناڵد ترەمپ، سەرۆکی ئەمریکا بۆ کاروباری ڕۆژهەڵاتی ناوەڕاست، بەرەو دەوحە بەڕێکەوت بە ئامانجی دەستپێکردنەوەی دانوستانەکان سەبارەت بە ئاگربەست لە غەززە.

 

چی ڕوودەدات: ستیف ویتکۆف، نێردەی ئەمریکا شانبەشانی تیمێکی دانوستانکاری ئیسرائیل لەسەر بڕیاری بنیامین نەتانیاهۆ، سەرۆکوەزیرانی وڵاتەکە بەمەبەستی تاوتوێکردنی ڕێککەوتنی ئەگەری ئاگربەست غەززە و ئاڵوگۆڕی بارمتەکان لەگەڵ بەرەو دەوحەی پایتەختی قەتەر بەڕێککەوتوون، قەتەر لەگەڵ هەر یەکە لە میسر و ئەمریکا نێوەندگیری ئاگربەستی غەززە دەکەن.

 

زانیاریی بەدەستهاتوو: بڕیارە شاندەکە لانیکەم تا ڕۆژی پێنجشەممە لە دەوحە بمێنێتەوە، ئەمەش لە میانی سەردانەکەی دۆناڵد ترەمپ، سەرۆکی ئەمریکا بۆ وڵاتانی کەنداو.

 

زانیاریی زیاتر: دواجار بە هەوڵی ئەمریکا ئیدان ئەلێکساندەر بارمتەیەکی دەستبەسەرکراوی حەماس ئازادکرا، بەمەش هەوڵەکانی ئازادکردنی تەواوی بارمتەکان زیاتربوون، بەهۆی سەردانەکەی ترەمپ بۆ ڕۆژهەڵاتی ناوەڕاست، پرسی ئاگربەستی غەززە لەم ڕۆژانەدا مشتومڕی زۆری لەبارەوە دەکرێت.